SÍMON

Tilkynning fá sendiráði Íslands í Berlín / Announcement from the Icelandic Embassy in Berlin:

ENDURVEITING ÍSLENSKS RÍKISBORGARARÉTTAR

Dóms- og kirkjumálaráðuneytið vekur athygli á því að frestur til að óska eftir endurveitingu íslensks ríkisborgararéttar samkvæmt ákvæði til bráðabirgða í lögum um íslenskan ríkisborgararétt nr. 100/1952, sbr. lög nr. 9/2003, rennur út 1. júlí 2007.

Samkvæmt ákvæðinu getur sá sem tók ríkisfang í öðru ríki fyrir 1. júlí 2003, og missti við það íslenska ríkisfangið án þess að viðkomandi ríki hafi krafist þess, óskað eftir því að fá íslenska ríkisborgararéttinn að nýju með því að sækja um það til dóms- og kirkjumálaráðuneytisins. Umsækjandi þarf að hafa verið búsettur á Íslandi eða uppfylla skilyrði um dvöl hér samkvæmt 8. gr. laganna.

Nánari upplýsingar um endurveitingu íslensks ríkisborgararéttar er unnt að fá hjá
dóms- og kirkjumálaráðuneytinu,
Skuggasundi, 150 Reykjavík,
sími 545 900, bréfasími 552 7340,
netfang: postur@dkm.stjr.is.

RE-GRANTING OF ICELANDIC CITIZENSHIP

The Ministry of Justice and Ecclesiastical Affairs draws attention to the fact that the deadline for applying for the re-granting of Icelandic citizenship under the Interim Provision of the Icelandic Citizenship Act, No. 100/1952 (cf. the Act No. 9/2003) is 1 July 2007.

Under this provision, persons who acquired the citizenship of another state before 1 July 2003, and lost their Icelandic citizenship in consequence without this being demanded by the state concerned, may apply to the Ministry of Justice and Ecclesiastical Affairs to be granted Icelandic citizenship anew. Applicants shall be domiciled in Iceland or shall meet the residence requirements stated in Article 8 of the Act.

Further information on the re-granting of Icelandic citizenship is available from the Ministry of Justice and Ecclesiastical Affairs,
Skuggasund, 150 Reykjavík,
tel. 545 900, fax 552 7340,
e-mail: postur@dkm.stjr.is

Loksins er ný heimasíða SÍMON-ar komin upp.

Á næstu dögum mun meira efni bætast hingað inn.

Vefstjóri.

SÍMON eru samtök Íslendinga í München og nágreni.

Tilgangur félagsins er fyrst og fremst að styðja við félagslíf Íslendinga sem búsettir eru í München og nágrannasveitarfélögum. Í því skyni stöndum við fyrir ýmiskonar uppákomum – fyrir utan árlegar samkomur á helstu hátíðisdögum hittast félagsmenn alltaf fyrsta föstudag hvers mánaðar á einhverju af fjölmörgum öldurhúsum borgarinnar. Staðsetning og tími er auglýst sérstaklega á þessari síðu.
Við leitumst við að koma íslenskri menningu á framfæri við þá heimamenn sem áhuga hafa á, sem og að kynna bæverskar hefðir og menningu fyrir félagsmönnum.
Stór hluti félagsmanna stundar nám við hina ýmsu háskóla í borginni. Við fögnum að sjálfsögðu hverjum nýjum félagsmanni og erum áhugasömum innan handar hvað varðar nám eða búsetu í München.

Stjórn félagsins starfsárið 2007-2008 skipa:
Ögmundur Petersson formaður
Brynjar Óskarsson ritari og vefstjóri